अनलाइन डबली
काठमाडौँ । निवर्तमान राष्ट्रपति विद्यादेवी भण्डारी छोरीको घर पुगेकी छन् । शीतलनिवासबाट बिदाइ गरेसँगै भण्डारी बालुवाटारस्थित आफ्नी छोरी उषाकिरण भण्डारीको घरमा पुगेकी हुन् । निजी निवासको पुनःनिर्माणको काम नसकिएका कारण भण्डारी केही दिन छोरीकै घर बस्ने बताइएको छ ।
रामचन्द्र पौडेलले शपथ लिएसँगै भण्डारीको बिदाई गरिएको थियो । भण्डारीले आसन हस्तान्त्रण गरेर बिदाई भएकी हुन् ।
नेपाली सेनाको सलामी खाएर तामझामसहित गणतन्त्र नेपालको दोस्रो तथा दुई कार्यकाल राष्ट्रपति भएकी छोरीको घर पुगेकी हुन् । घरभित्र पस्नुअघि भण्डारीले छोरीको हातबाट सगुन खाएकी थिइन् ।
नेपाली सेनाको एक टुकडीले निवर्तमान राष्ट्रपति भण्डारीलाई बिदाइका क्रममा २१ तोपको सलामी अर्पण गरेको थियो । साथै भण्डारीलाई प्रधानमन्त्री प्रचण्डले बिदाइका क्रममा सरकारका तर्फबाट मायाको चिनो प्रदान गरेका थिए ।
भण्डारी दुई कार्यकालपछि शितल निवास बिदाई भएकी हुन् । नेपाली सेनाको विशेष टोलीले राष्ट्रपति भण्डारीलाई छोरीको घर पु¥याएको थियो ।
भण्डारीले सरकारी सुविधासहित शितल निवास छोडेकी हुन् । अब पहिलो राष्ट्रपति रामबरण यादवले जतिकै सरकारी सुविधा पनि भण्डारीले लिने भएकी छन् ।
दुई कार्यकाल राष्ट्रपति हुँदा निकै तडकभडक देखाएकी भण्डारीको बिदाईमा तामझामका साथ गरिएको भन्दै सामाजिक संजालमा आलोचना भइरहेको छ ।
