अनलाइन डबली
काठमाडौं । आज राष्ट्रपतिको चुनाव हुँदैछ । गणतन्त्र स्थापना भएपछि यो नेपालको तेस्रो राष्ट्रपति चयन हुन लागेको हो । निर्वाचन आयोगले हिजो साँझ नै राष्ट्रपति चुनावको सबै तयारी भएको जनाएको थिए ।
संसद भवन नयाँबानेश्वरमा आज बिहान १० बजेदेखि दिउँसो ३ बजेसम्म मतदानको व्यवस्था आयोगले गरेको छ ।
राष्ट्रपतिको लागि रामचन्द्र पौडेल र सुवास नेम्वाङबीच प्रतिस्पर्धा हुँदैछ । पडौल गठबन्धनबाट र नेम्वाङ नेकपा एमालेकाो तर्फबाट उम्मेदवार बनेका छन् ।
मुख्य निर्वाचन अधिकृत महेश शर्मा पौडेलका अनुसार निर्वाचन सकिएलगत्तै संसद भवन भित्रैको एक हलमा मतगणना सुरु गर्ने र आजै बेलुका ७ बजेभित्र मतपरिणाम सार्वजनिक तयारी आयोगले गरेको छ ।
संघीय सांसद (प्रतिनिधि सभा र राष्ट्रिय सभाका सदस्य) र प्रदेश सभा सदस्यहरुले निर्वाचनमा भाग लिनेछन् । संघीय सांसदहरुका लागि रातो र प्रदेश सभा सदस्यहरुका लागि हरियो रंगको मतपत्र बनाइएको छ । मतपत्रमा उम्मेदवारहरुको नामसहित फोटो पनि राखिएको छ । मतदाताले आफूलाई मन परेको उम्मेदवारको नाम र फोटो भएको कोठाभित्र स्वस्तिक छाप लगाउनुपर्ने छ ।
संघीय लोकतान्त्रिक गणतन्त्र नेपालको पहिलो राष्ट्रपति डा. रामवरण यादव हुन् । उनको कार्यकाल २०६५ साल साउन ८ गतेदेखि २०७२ कात्तिक ११ गतेसम्म थियो । दोस्रो राष्ट्रपतिको रुपमा नेकपा एमालेबाट विद्यादेवी भण्डारी २०७२ कात्तिक ११ गते निर्वाचित भएकी थिइन् ।
भण्डारीको कार्यकाल यही फागुन २८ गते सकिँदैछ ।
