काठमाडौँ । ओखलढुङ्गामा भएको जीप दुर्घटनामा परी दुई जनाको मृत्यु भएको छ । जिल्लाको चिसंखुगढी गाउँपालिका–३ दियालेमा ना.१ ज ८४८३ नम्बरको बोलेरो जीप दुर्घटनामा हुँदा अन्य १० जना घाइते भएका छन् ।

प्रहरीका अनुसार दुर्घटनामा परी चिसंखुगढी–३ घर भएका मीनबहादुर श्रेष्ठ र एक अर्का मृतकको पहिचान खुलेको छैन । जीपमा १३ जना सावर थिए ।

घाइतेमध्ये गम्भीर अवस्थाका चार जनालाई हेलिकप्टरमार्फत काठमाडौँ ल्याइएको छ ।

दुर्घटनामा परेर घाइते हुनेमा भक्त बहादुर थापा, चालक सुमन कार्की, तुलसा धमला, २ वर्षीय बालक विनय धमला, तीर्थलक्ष्मी श्रेष्ठ, केन्द्रबहादुर कार्की, आयुशा श्रेष्ठ, शर्मिला श्रेष्ठ, ४ वर्षीय लरिसा श्रेष्ठ र खेमबहादुर खत्री छन् ।