अनलाइन डबली
काठमाडौं । राष्ट्रपति पदमा उम्मेदवारी दिन केही घण्टामात्रै बाँकी रहँदा दलहरुबीच वार्ता तथा छलफल तीब्र भइरहेको छ । यसैबीच चुनावी गठबन्धनका मुख्य दल नेकपा (माओवादी केन्द्र),नेपाली कांग्रेस, नेकपा एस र जसपासहित ४ दलको बैठक बालुवाटारमा सुरु भएको छ ।
चुनावी गठबन्धनका चार र जनता समाजवादी पार्टीसहित पाँच पार्टीको बैठक प्रधानमन्त्रीको सरकारी निवास बालुवाटारमा बसिरहेको छ ।
बैठकमा पाँचै पार्टीका शिर्ष नेताहरु सहभागिता रहेको छ। कांग्रेसबाट सभापति शेरबहादुर देउवा, उपसभापति पूर्णबहादुर खड्का, महामन्त्री गगन थापा सहभागी छन् भने माओवादीबाट प्रधानमन्त्री तथा पार्टी अध्यक्ष प्रचण्ड र वरिष्ठ उपाध्यक्ष नारायणकाजी श्रेष्ठ सहभागी छन् ।
यस्तै एकीकृत समाजवादीका अध्यक्ष माधव नेपाल र जसपाका अध्यक्ष उपेन्द्र यादव पनि सहभागी छन् । राष्ट्रपतिको निर्वाचनबारे छलफल भइरहेको बताइएको छ ।
आजै नेकपा माओवादी केन्द्रका अध्यक्ष तथा प्रधानमन्त्री प्रचण्ड र नेकपा एमालेका अध्यक्ष केपी ओलीबीच पनि निर्णायक वार्ता हुने भएको छ।
