अनलाइन डबली
काठमाडौं । त्रिवि मैदानमा जारी आईसीसी क्रिकेट विश्वकप लिग टु अन्तर्गत शनिबार नामिबियाविरुद्ध ज्ञानेन्द्र मल्लसँगै कुशल मल्लले पनि अर्धशतक बनाएका छन् ।
उनले ४१ बलमा ४ चौका र ४ छक्काको मद्दतमा ५२ रन बनाएका हुन् । उनले यसअघि स्कटल्याण्डविरुद्ध शुक्रबार भएको खेलमा ८१ रन बनाएका थिए ।
नामिबियाविरुद्धको खेलमा यसअघि ज्ञानेन्द्र मल्लले अर्धसतक बनाएका थिए । तेस्रो नम्बरमा ब्याटिङमा आएका उनले ६४ बलमा अर्धशतक पूरा गरेका थिए । उनले ५ चौका र २ छक्काको मद्दतमा ५० रन जोडेका थिए । पहिले ब्याटिङ गरेको नामिबियाले २७५ रनको लक्ष्य दिएको थियो ।
