अनलाइन डबली
काठमाडौं । रवि लामिछाने बल्ल नेपाली नागरिकताको प्रमाणपत्र लिएका छन् । आइतबार जिल्ला प्रशासन कार्यालय काठमाडौं गएर रविले नागरिकताको प्रमाणपत्र लिएका हुन् ।
सर्वोच्च अदालतले शुक्रबार लामिछानेले नेपाली नागरिकता नलिएको भन्दै दोषी ठहर गरेको थियो । योसँगै उनको सांसद, गृहमन्त्रीसँगै पार्टी अध्यक्षको पद समेत गुमेको थियो ।
सर्वोच्चको फैसलापछि रवि आइतबार जिल्ला प्रशासन काठमाडौँ पुगेर अमेरिकी नागरिकता त्यागेपछि नेपाली नागरिकताको पुनः प्राप्तिका लागि कानुन बमोजिम प्रक्रिया पूरा गरेर नेपाली नागरिकता दिएका हुन् ।
काठमाडौंका प्रमुख जिल्ला अधिकारी घनश्याम उपाध्यायाका अनुसार लामिछानेले नागरिकता ऐन २०६३ को दफा ११ र नागरिकता नियमावलीको नियम ११ बमोजिम कागजात पेश गरेपछि नागरिकता प्रदान गरिएको छ ।
रविको पार्टीले उनलाई आजै पुनः पार्टी अध्यक्ष बनाउने तयारी गरेको छ । तर, सांसद पद भने चुनावअघि फर्किने छैन ।
