काठमाडौं । गृहमन्त्री रवि लामिछानेको नागरिकता विवादसम्बन्धी मुद्दाको सुनुवाइ सकिएको छ । विहीबार नसकिएपछि आज संवैधानिक इजलासमा सुनुवाई भएको थियो ।
कामु प्रधानन्यायाधीश हरिकृष्ण कार्की, न्यायाधीश विश्वम्भरप्रसाद श्रेष्ठ, ईश्वरप्रसाद खतिवडा, डा. आनन्दमोहन भट्टराई, अनिल कुमार सिन्हाको संवैधानिक इजलासमा लामिछानेविरुद्धको मुद्दाको सुनुवाइ भएको थियो ।
रिट निवेदकको तर्फबाट बहस गरेका एक कानुन व्यवसायीका अनुसार न्यायाधिशहरु आदेशबारे छलफल जुटेका छन् ।
यसअघि गत पुस २२ गते संवैधानिक इजलासमा बहस भएको थियो । विवादको सुनुवाइलाई अग्राधिकार प्रदान गरी सर्वोच्चले छिटो छरितो रूपमा सुनुवाइ सकेको हो ।
न्यायाधिशहरुले आजै संक्षिप्त आदेश गर्न पनि सक्ने बताइएको छ ।