अनलाइन डबली
काठमाडौँ । नेकपा (माओवादी केन्द्र) को स्थायी कमिटी बैठक आज पनि बस्दैछ । विहीबारबाट सुरु भएको बैठकमा अध्यक्ष प्रचण्डले पेश गरेको समसामयिक राजनीतिक प्रतिवेदनमा पेश गरेका थिए ।
पार्टी प्रवक्ता कृष्णबहादुर महराका अनुसार अध्यक्षले पेस गरेको राजनीतिक प्रतिवेदनमाथि आजबाट छलफल हुनेछ । विहीबारको बैठकमा ब्रिफिङ अध्यक्ष प्रचण्डले निर्वाचन अघिको गठबन्धन छाडेर नेकपा (एमाले) सँग सहकार्य गर्नुपरेको अवस्थाको बारेमा ब्रिफिङ गरेका थिए ।
बैठकले पार्टीको नेतृत्वमा सरकार बनेकोमा प्रधानमन्त्री तथा पार्टी अध्यक्ष दाहाललाई बधाई दिनुको साथै उपमहासचिव वर्षमान पुनको स्वास्थ्य लाभको कामना गरेको थियो ।
त्यस्तै यति एयरलाइन्सको जहाज दुर्घटनामा निधन भएकाहरुप्रति पनि श्रद्धाञ्जली व्यक्त गरिएको उपाध्यक्ष महराले जानकारी दिए ।
आज विहानको पुनः बस्नेगरी स्थगित भएको बैठकमा पार्टी एकता र संगठन बिस्तार तथा केन्द्रीय समिति बैठकलगायतका एजेण्डामाथि आजबाट छलफल हुने बताइएको छ ।
