काठमाडौं । नेकपा (माओवादी केन्द्र) को स्थायी कमिटी बैठक आज बस्दैछ । विहीबार बैठक आज बिहान ११ बजे पार्टी केन्द्रीय कार्यालय पेरिस डाँडामा बस्दैछ ।

राष्ट्रपति चुनाव, प्रदेश सरकार विस्तार, सरकारका कामकारवाहीसँगै पार्टी संगठन विस्तार र केन्द्रीय समिति बैठकलगायतका समसामयिक विषयमा पनि छलफल हुने नेताहरुले बताएका छन् ।

त्यसैगरी बैठकमा बाबुराम भट्टराईको पार्टीसँग एकता छलफल र नेकपा एकीकृत समाजवादीसँग भएको एकता बैठकबारे पनि छलफल हुने बताइएको छ ।

आज बस्ने स्थायी समिति बैठकले पार्टी केन्द्रीय समितिको बैठकको मिति तोक्नेछ । माघ १५ गते केन्द्रीय समिति बैठक बस्ने चर्चा भएपनि औपचारिक रुपमा मिति तय भएको छैन ।