अनलाइन डबली
काठमाडौँ । नेकपा (माओवादी केन्द्र) को स्थायी समिति बैठक यही माघ ११ गते बस्दैछ । महासचिव देवप्रसाद गुरुङका अनुसार १५ गते केन्द्रिय समिति बैठक बोलाइएको छ ।
बैठकमा मुख्य दुई एजेण्डामाथि छलफल केन्द्रीत हुने बताइएको छ । सरकारका काम कारवाहीलाई प्रभावकारी कसरी बनाउने र पार्टी एकता प्रक्रियामाथि छलफल केन्द्रीत हुनेछ । बाबुराम भट्टराई नेतृत्वको नेपाल समाजवादी पार्टीसँग एकीकरणलाई टुंगोमा लगाउने र एकीकृत समाजवादीसँग भइरहेको छलफलका बारेमा पनि केन्द्रीय सदस्यहरुलाई ब्रिफिङ गरिने नेताहरुले बताएका छन् ।
त्यसैगरी संगठन विस्तारसँगै चुनावमा भएको अन्तरघातबारे पनि छलफल हुने बताइएको छ ।
माओवादी केन्द्र र बाबुरामको पार्टीको एकता कार्यदलबीच पहिलो बैठक बसेर एकता प्रक्रिया अगाडि बढाउने सहमति भएको छ । दुवै पार्टीका कार्यदलले तयार पारेका प्रतिवेदन माथी प्रारम्भिक छलफल गरी केन्द्रीय समितिबाट अनुमोदन गरिनेछ ।
