अनलाइन डबली
काठमाडौं । प्रतिनिधिसभाको बैठकमा सभामुखको चुनावको लागि सांसदहरुले मत मागिरहेका छन् । सभामुख निर्वाचनको कार्यसूची रहेको संसद बैठकमा नेताहरुले आआफ्ना उम्मेदवारलाई मत मागिरहेका छन् ।
गठबन्धनको तर्फबाट नेकपा एमालेका देवराज घिमिरेलाई मत दिन आग्रह गरिरहेका छन् भने नेपाली कांग्रेसबाट ईश्वरीदेवी न्यौपानेलाई मत मागिरहेका छन् ।
घिमिरेको प्रस्तावकमा सुवासचन्द्र नेम्वाङ, समर्थकमा हितराज पाण्डे, राजेन्द्रप्रसाद लिङदेन र रवि लामिछाने छन्।
न्यौपानेको लागि काँग्रेस र नेकपा एकीकृत समाजवादीका नेताहरूले मत मागिरहेका छन् ।
२ सय ७५ सदस्य रहेको प्रतिनिधिसभामा सभामुख जित्न १ सय ३८ मत आवश्यक पर्छ । गठबन्धनका उम्मेदवार घिमिरेकाे जित निश्चित जस्तै छ ।
