अनलाइन डबली
काठमाडौँ । गठबन्धन दलको तर्फबाट सभामुखका लागि नेकपा एमालेका देवराज घिमिरेले प्रतिनिधिसभाको सभामुखका लागि उम्मेदवारी दर्ता गराएका छन् । एमाले सांसद सुवासचन्द्र नेम्वाङको प्रस्ताव र माओवादीका हितराज पाण्डे,रास्वपाका रवि लामिछाने र राप्रपाका राजेन्द्रप्रसाद लिङ्देनको समर्थनमा घिमिरेले उम्मेदवारी दिएका हुन् ।
झापा २ बाट निर्वाचित घिमिरेलाई सभामुखको उम्मेदवार बनाउने एमालेले निर्णय गरेको थियो । नयाँ बानेश्वारस्थित संसद भवनमा पुगेर उम्मेदवारी दर्ता गरेका हुन् ।
नेपाली काँग्रेसले पनि सभामुखको उम्मेदवारी दर्ता गर्ने तयारी गरेको छ ।
आज दिउँसो १ बजेदेखि ४ बजेसम्म उम्मेदवारी दर्ता गर्न संसद सचिवालयले समय दिएको छ । विहीबार विहान ११ बजे सभामुखको निर्वाचनको प्रयोजनाको लागि संसद बैठक बोलाइएको छ ।
