अनलाइन डबली
काठमाडौँ । नेकपा माओवादी केन्द्रबाट आज थप ३ मन्त्रीले शपथ लिने भएका छन् । गठबन्धनको सोमबार अबेरसम्म चलेको बैठकले मन्त्रालयकाे भागबण्डाको टुंगो लगाएको थियो ।
माओवादीले ३ मन्त्री र एक राज्यमन्त्री पाएको छ । नेताहरुका अनुसार रेखा शर्मा, सुदन किराँती र अमनलाल मोदी मन्त्री बन्ने भएका छन् । शर्मालाई सञ्चार, किराँतीलाई संस्कृति, पर्यटन तथा नागरिक उड्डयन र मोदीलाई सङ्घीय मामिला तथा सामान्य प्रशासन मन्त्रालयको जिम्मेवारी दिइने स्रोतले दाबी गरेको छ ।
तर, बाबुराम भट्टराई महेन्द्र रायलाई मन्त्री बनाउन प्रधानमन्त्री प्रचण्डलाई दबाब दिइरहेका छन् । प्रचण्डले राय यसअघि मन्त्री भइसकेको बताउँदै मधेसबाट नयाँलाई अबसर दिने जवाफ दिएको बताइएको छ ।
एक राज्यमन्त्रीको भने टुङ्गो लाग्न बाँकी छ । नयाँ मन्त्रीहरुको दिउँसो १ बजे शपथ राखिएको छ ।
