काठमाडौं । पूर्व एमाले नेता घनश्याम भुसाल नेकपा (एकीकृत समाजवादी)मा प्रवेश गर्ने पक्का भएको छ । गत मंसिरमा सम्पन्न चुनावमा नेकपा एमालेले उम्मेदवारी नदिएपछि स्वतन्त्र चुनाव लडेका भुसाल आज एक कार्यक्रमबीच एकीकृत समाजवादीमा प्रवेश गर्न लागेका हुन् ।

पार्टी नीतिविरुद्ध गएर चुनाव लडेको भन्दै एमालेले भुसाललाई पार्टीबाट निष्कासन गरेको थियो । त्यसपछि कुनै पार्टीमा नलागेका भुसालले एकीकृत समाजवादीलाई आफै पत्र पठाएका थिए । पाँच बुँदे उक्त पत्रको समाजवादीले सकारात्मक जवाफ फर्काएको थियो ।

भुसाललाई पार्टीमा भित्र्याउन एकीकृत समाजवादीले दिउँसो २ बजे वानेश्वरस्थित होटल अर्यालयमा विशेष कार्यक्रमको आयोजना गरेको छ । कार्यक्रममा पार्टीका शीर्ष नेताहरुको उपस्थिति रहने बताइउको छ ।