अनलाइन डबली
काठमाडौँ । बागमती प्रदेशको मुख्यमन्त्रीको लागि नेकपा माओवादी केन्द्रको संसदीय दलका नेता शालिकराम जम्मकट्टेलले दाबी पेश गरेका छन् । जम्मकट्टेललाई ७० जना सांसदहरुको समर्थन रहेको छ ।
माओवादीसँगै नेकपा एमाले, राप्रपा, नेकपा एकीकृत समाजवादी र हाम्रो नेपाली पार्टीले समर्थन गरेका छन् । माओवादीका २१, एमालेका २७ र राप्रपाका १३, एकीकृत समाजवादीका ७ र हाम्रो नेपाली पार्टीका २ सांसद रहेका छन् ।
प्रदेश प्रमुख शर्माले संविधानको धारा १६८ को उपधारा (२) बमोजिम दुई वा दुईभन्दा बढी दलहरूको समर्थनमा बहुमत प्राप्त गर्न सक्ने प्रदेशसभा सदस्यलाई मुख्यमन्त्री दावी गर्न पौष २५ गते आइतबार अपरान्ह ४ बजेसम्मको समय दिएका थिए ।
बागमतीमा सरकार गठनका लागि प्रदेशसभामा रहेको ११० सांसदमध्ये ५६ सांसद भए पुग्छ ।
