अनलाइन डबली
काठमाडौं । वागमती प्रदेशको मुख्यमन्त्रीको लागि नेकपा माओवादी केन्द्रका पोलिटब्यूरो सदस्य शालिकराम जम्मकट्टेलले आज दाबी पेश गर्ने भएका छन् ।
आइतबार गठबन्धन बैठकमा प्रदेशको नेतृत्वबारे टुंगो लागेसँगै जम्मकट्टेलले दाबी पेश गर्ने भएका हुन् । यो प्रदेशमा माओवादी र नेकपा एमालेले आलोपालो नेतृत्व गर्ने भएका छन् । पहिलो माओवादी र दोस्रोमा एमालेले नेतृत्व गर्ने भएका हुन् ।
माओवादी केन्द्रका संसदीय दलका नेता समेत रहेका जम्मकट्टेल प्रदेशको चौथो मुख्यमन्त्री बन्ने निश्चित भएको छ । यसअघि पनि उनि प्रदेशको आन्तरिक मामिला तथा काूनन र आर्थिक मामिला मन्त्री भइसकेका थिए ।
वागमती प्रद्रेशमा एमालेका २७, माओवादी केन्द्रका २१ तथा राप्रपाको १३ गरि ६१ सिट रहेको छ ।
