अनलाइन डबली
काठमाडौं । निर्वाचन आयोगले राष्ट्रसभा सदस्यको उप चुनावको लागि दल दर्ता आह्वान गरेको छ । आयोगले आइतबार एक सूचना जारी गारेर आउँदो माघ २५ गते हुने राष्ट्रिय सभा सदस्य उप–चुनाव प्रयोजनको लागि दल दर्ता आह्वान गरेको हो ।
लुम्बिनी प्रदेशबाट अन्य समूहको रिक्त राष्ट्रिय सभा सदस्यका लागि उप–चुनाव हुँदैछ । प्रतिनिधि सभा चुनावमा उठ्न राष्ट्रिय सभाका सदस्य खिमलाल भट्टराईले राजीनामा दिनुभएको थियो । आयोगले आज सूचना निकालेर संविधानको धारा २ सय ७१ अनुसार दल दर्ताका लागि आह्वान गरेको आयोगद्वारा जारी सूचनामा भनिएको छ ।
निर्वाचन आयोगमा दर्ता कायम रहेका दलहरुले उप–चुनावका लागि भोलि अर्थात २५ देखि २८ गतेसम्म आयोगमा निवेदन दिन सक्नेछन् । दल दर्ता गर्ने प्रयोजनका लागि सार्वजनिक बिदाको दिनमा समेत आयोगको कार्यालय खुला हुनेछ ।
यस्तो छ सूचना
