अनलाइन डबली
काठमाडौं । सुदूरपश्चिमका प्रदेश प्रमुख देवराज जोशीले पुस २७ गते सम्म मुख्यमन्त्रीमा दावी पेश गर्न आह्वान गरेका छन् ।
प्रदेश प्रमुख जोशीले हिजै आव्हान गर्ने तयारी गरेकोमा दलहरूको आग्रहपछि आज विज्ञप्ति निकालिएको हो ।
संविधानको धारा १६८ को उपधारा २ अनुसार २७ पुसको साँझ ५ बजेसम्म मुख्यमन्त्रीमा दाबी पेश गर्न आह्वान गरेका प्रदेश प्रमुखको कार्यालयका निमित्त सचिव शैलेशराज ढुंगानाले जानकारी दिए ।
५३ सदस्यीय सुदूरपश्चिम प्रदेशसभामा सरकार गठनका लागि २७ जनाको समर्थन चाहिन्छ ।
यहाँ ठूलो दल नेपाली कंग्रेसको १९, नेकपा माओवादी केन्द्रको ११, नेकपा एमालेको १०, नागरिक उन्मुक्ति पार्टीको ७, नेकपा एकीकृत समाजवादीको ४, राप्रपाको १ र एक जना स्वतन्त्र सांसद रहेका छन् ।
विज्ञप्ति…
