काठमाडौँ । पूर्व माओवादी नेता प्रभु साहले नयाँ पार्टी गठन गरेका छन् । बिहीबार नयाँ पार्टीको नाम आम जनता पार्टी राखेका छन् । माओवादी हुँदै नेकपा एमालेमा गएका साहले चुनावको मुखमा एमाले परित्याग गरेर स्वतन्त्र उम्मेदवारी दिएका थिए ।

तत्कालिन वाम लोकतान्त्रिक गठबन्धनको सहयोगमा साहले रौतहट ३ बाट प्रतिनिधिसभामा निर्वाचित भएका थिए । प्रधानमन्त्री प्रचण्डलाई समर्थन गरेका साहले विहीबार एक भेलाको आयोजना गरी नयाँ पार्टीको सार्वजनिक गरेका हुन् ।

भेलाले ५१ सदस्यीय तदर्थ समिति गठन गरेको छ । जारी विज्ञप्तिमा अनुसार प्रदेश अध्यक्ष, सचिव र इन्चार्जको जिम्मेवारी समेत तोकिएको छ ।

साहले आम जनताको चाहना र वर्तमान समयको आवश्यकतालाई आत्मसाथ गर्दै देशलाई अग्रगमनको दिशामा अगाडि बढाउन नयाँ पार्टी गठन गरेको बताएका छन् ।