अनलाइन डबली
सुर्खेत । कर्णाली प्रदेशमा नेकपा माओवादी केन्द्रको संसदीय दलको नेतामा राजकुमार शर्मा सर्वसम्मत चयन भएका छन् ।
बुधबार बसेको संसदीय दलको बैठकले शर्मा दलको नेता चयन गरेको हो । शर्मा रुकुम पश्चिम प्रदेशसभा ख बाट निर्वाचित भएका थिए ।
दलको नेतामा अन्य नेताहरु पनि आकांक्षी थिए तर शर्माको पक्षमा सहमति जुटेको हो । सहमति नभए चुनावमा जाने भनिएपनि बुधबार आकांक्षी नेताहरुले पनि शर्मालाई समर्थन गरेका थिए । पार्टी जिम्मेवारीमा शर्मा अन्य आकांक्षी नेताहरु भन्दा सिनियर पनि हुन् ।
कर्णालीको मुख्यमन्त्रीमा शर्माले दाबी गर्दै आएका छन् । दलको नेता चयनसँगै गठबन्धनमा कर्णाली प्रदेश माओवादीको भागमा परे शर्मा नै मुख्यमन्त्री हुने निश्चित भएको छ ।
