अनलाइन डबली
काठमाडौँ । नेकपा (माओवादी केन्द्र) उपमहासचिव तथा अर्थमन्त्री जनार्दन शर्मा ‘प्रभाकर’ ले नयाँ सरकारको नेतृत्व पार्टी अध्यक्ष प्रचण्ड गर्नुपर्ने बताएका छन् ।
सांसदका शपथ लिन नयाँ बानेश्वारस्थित संसद भवन पुगेका प्रभाकरले प्रचण्डको नेतृत्वमा सरकार बन्नुपर्ने आफूले सुझाव आफूले गठबन्धनमा दिइरहेको बताए । संचारकर्मीसँग छोटो कुरा गर्दै प्रभाकरले गठबन्धनको बैठकले प्रधानमन्त्री र राष्ट्रपति को बन्ने भन्ने निर्णय हुने बताए ।
“गठबन्धनको बैठकले प्रधानमन्त्री र राष्ट्रपति बारे निर्णय गर्ला तर मेरो सुझाव पहिले प्रधानमन्त्री प्रचण्ड बन्नुपर्छ भन्ने मेरो सुझाव छ” प्रभाकरले भने । उनले गठबन्धनबाट राष्ट्रपति रामचन्द्र पौडेल वा माधव नेपालमध्ये एक हुने समेत बताए । साथै, नयाँ राष्ट्रपति राजनीतिक नेतृत्वबाट नै बन्नुपर्ने गरी गठबन्धन दलहरूबीच छलफल भएको समेत बताए ।
- फाइल फाेटाे
