अनलाइन डबली
काठमाडौँ । नेपाली काँग्रेसको संसदीय दलको नेतामा पराजित भएपछि नेता गगन कुमार थापाले सरकारमा नजाने घोषणा गरेका छन् । महामन्त्री समेत रहेका थापाले सभापति शेरबहादुर देउवाविरुद्ध उम्मेदवारी दिएका थिए ।
बुधबार विहान भएको चुनावमा थापाले २५ सांसदको मात्रै मत पाए । थापाले पराजयपछि संचारकर्मीसँग कुरा गर्दै आफू सरकार नजाने घोषणा गरे । “कग्रेसको नेतृत्वमा सरकार बन्यो भने अरु साथीहरु जानु हुन्छ । कांग्रेसको संसदीय दलको नेता परिवर्तन हुनुपर्छ भन्ने मेरो सोच हो म त्यसमा लागिरहन्छु । म कांग्रेसको महामन्त्री पनि हुँ र सांसद पनि हुँ । त्यही रुपमा आफूले गर्नुपर्ने काम गरिरहन्छु” थापाले भने ।
संसदीय दलको चुनावमा सभापति शेरबहादुर देउवाले ६४ मतसहित निर्वाचित भएका छन् भने थापाले २५ मत प्राप्त गरे ।
