अनलाइन डबली
काठमाडौं । गाउँपालिका राष्ट्रिय महासंघको राष्ट्रिय महाधिवेशन सकिएको छ । तेस्रो महाधिवेशनले नयाँ नेतृत्व समेत चयन गरेको छ ।
महासंघको कोषाध्यक्षमा माओवादी केन्द्रका युवा नेता तथा डडेल्धुराको अजयमेरु गाउँपालिकाका अध्यक्ष उमेशप्रसाद भट्ट निर्वाचित भएका छन् । उनले गाउँपालिका अध्यक्षको यो दोस्रो कार्यकाल हो । पहिलो कार्यकालमा भट्ट उत्कृष्ट पालिका बनाउन सफल भएका थिए ।
महाधिवेशनले अध्यक्षका नेपाली काँग्रेसबाट निर्वाचित निर्वाचित नवलपरासी पूर्वको हुप्सेकोट गाउँपालिकाकी अध्यक्ष लक्ष्मी पाण्डेलाई पठाउने भएको छ ।
त्यसैगरी महासचिवमा नेकपा एमालेबाट निर्वाचित स्याङ्जाको कालीगण्डकी गाउँपालिकाका अध्यक्ष खिमबहादुर थापा निर्वाचित भएका छन् । त्यस्तै सचिवमा सिन्धुलीको फिक्कल गाउँपालिकाकी उपाध्यक्ष पार्वती सुनुवारलाई पठाउने भएको छ ।
