अनलाइन डबली
काठमाडौँ । प्रधानन्यायाधीश चोलेन्द्रशमशेर जबराले आफू इजलासमा नबस्ने बताएका छन् । संचारमाध्यमसँगको कुराकानीको क्रममा जबराले आफू सर्वोच्च अदालत जाने तर इजलासमा नबस्ने र प्रशासनिक काम पनि नगर्ने बताएका छन् ।
प्रधानन्यायाधीश जबराले संसद सचिवालयको पत्रले आफूलाई न्यायको अनुभूति गराएको बताएका छन् । बुधबार संसद सचिवालयले निलम्बित प्रधानन्यायाधीश चोलेन्द्रशमशेर जबराविरुद्धको महाभियोग निष्प्रभावी भएको पत्र दिएको थियो ।
निलम्बित प्रधानन्यायाधीश जबरासहित अन्य ६ वटा निकायलाई महाभियोग निष्प्रभावी भएको पत्र पठाइएको संसद सचिवालयका प्रवक्ता डा. रोजनाथ पाण्डेले बताएका छन् ।
बजराले आफू अबकासमा जाने भएकोले पनि इजलास र प्रशासनिक काम पनि नगर्ने बताए । उनले भने, “हामी एक महिना अगाडिबाटै बेञ्चमा बस्दैनौ । अन्य प्रशासनिक काम पनि खासै गर्ने गरिएको छैन । म सर्वोच्च त जान्छु तर न्यायिक वा प्रशासनिक काम गर्ने सोच छैन ।”
एक वर्षअघि फागुन १ गते संघीय संसदका ९८ सांसदले प्रधानन्यायाधीश जबरामाथि महाभियोगको प्रस्ताव दर्ता भएपछि उनी निलम्बनमा परेका थिए । महाभियोग प्रक्रियामै रहेको समयमा संसदको कार्यकाल समाप्त भएपछि पूर्ववत् महाभियोग सिफारिस समितिले महाभियोग निरन्तर रहने र अर्को संसदले टुंगो लगाउने भन्दै संसदमा सिफारिस गरेको थियो ।
