अनलाइन डबली
काठमाडौं। सीताराम विवाह पञ्चमीको अवसरमा भोलि मधेस प्रदेश सरकारले सार्वजनिक बिदा दिने निर्णय गरेको छ ।
प्रदेशका मुख्यमन्त्री लालबाबु राउतले विवाहको पञ्चमीको अवसरमा शुभकामना दिँदै सार्वजनिक बिदाको जानकारी पनिगराएका हुन् ।
हरेक वर्ष झै यस वर्षपनि जनकपुरधाममा साताव्यापी विवाह पञ्चमी महोत्सवको आयोजना गरिएको छ । भोलि जानकी मन्दिर परिसरमा सीता र रामको स्वयंम्बर समारोह हुँदैछ ।
त्यस्तै सीता-राम विवाह पञ्चमी महोत्सवको अवसरमा जनकपुरधाममा माछा मासुजन्य पदार्थ र मदिरामा प्रशासनले प्रतिबन्ध लगाएको छ ।
जिल्ला प्रशासन कार्यालय धनुषाले जनकपुरधाममा माछा मासुजन्य पदार्थ र मदिराको खरिद विक्री, सेवन तथा ओसार पोसर गर्न प्रतिबन्ध लगाएको सूचना जारी गरेको हो ।
जनकपुरधामको मिथिला अन्तरगृही परिक्रमा क्षेत्रभित्र माँस र मंदिरा लगायतका मादक पदार्थ तथा पशुपंक्षी मारकाट र मासुको उत्पादन विक्रि वितरण ओसार पोसार र सेवन निषेध गरिएको छ( सूचनामा भनिएको छ ।
विवाह पञ्चमी महामहोत्सव २०७९ मंसिर १२ गते भव्य रुपमा मनाउने भएकाले १२ गते आदेश विपरित निषेधित क्षेत्रमा पशुपंक्षी मारकाट माछामासु तथा मादक पदार्थको विक्रि वितरण तथा सेवन गरिएको पाईएमा प्रचलित कानून बमोजिम कारवाही गरिने प्रशासनले चेतावनी समेत दिएको छ।
