अनलाइन डबली
सुनसरी क्षेत्र नम्बर ३ मा ३४ हजार मत गणना गर्दा नेकपा एमालेकी भगवती चौधरीले अग्रता कायम राखेकी छन्।
यहाँ ९२ हजार मत खसेमा अझै ५८ हजार गन्न बाँकी छ। समानुपातिक र प्रदेशको समेत मतगणना एकसाथ भइरहेकाले ढिलाइ भएको निर्वाचन कार्यालयले जनाएको छ।
जारी मतगणनामा अहिलेसम्म १४ हजार ६ सय २४ मतका साथ भगवती चौधरी पहिलो स्थानमा कायम छिन् भने दोस्रो स्थानमा रहेको नेपाली कांग्रेसका विजय गच्छदारले १० हजार ३ सय ३० मत प्राप्त गरेका छन्। उनीहरूको मतान्तर ४ हजार २ सय ९४ छ।
राष्ट्रिय स्वतन्त्र पार्टीको घन्टी चिह्न लिएर निर्वाचन लडेका कमलबाबु मैनाली तेस्रो स्थानमा छन्। उनले ४ हजार ९ सय ९ मत प्राप्त गरेका छन्।
यता रुपन्देही क्षेत्र नम्बर ३ मा गृहमन्त्री एव नेपाली काँग्रेसका उम्मेदवार बालकृष्ण खाणलाई पछि पार्दै राप्रपाका उम्मेदवार दिपक बोहोराले अग्रता कायमै राखेका छ्न् ।
निर्वाचन कार्यालयका अनुसार ७८४०४ मत गणना हुँदा राप्रपाका दीपक वोहोराले ३०५७७ मत प्राप्त गरेका छन् । खाणले २९२५५ मत प्राप्त गरेका छन्। यहाँ १३ सय २२ मतान्तर रहेको निर्वाचन अधिकृतको कार्यालयले जनाएको छ।
यस्तै रुपन्देही निर्वाचन क्षेत्र नम्बर २ मा प्रतिनिधिसभा सदस्यमा नेकपा एमालेका उपाध्यक्ष विष्णुप्रसाद पौडेल निर्वाचित भएका छन् । पौडेल २७ हजार १ सय ४७ मत ल्याई विजयी भएका हुन् ।
पौडेल राष्ट्रिय स्वतन्त्र पार्टीका गणेश पौडेललाई १ हजार ३ सय ६६ मतले पछाडि पार्दै निर्वाचित भएका हुन् । यद्यपि, निर्वाचन आयोगले यसको औपचारिक घोषणा भने गरेको छैन ।
स्वतन्त्रका पौडेलले भने २५ हजार ७ सय ८१ र राष्ट्रिय जनमुक्तिका केशवबहादुर थापाले २१ हजार ९ सय ८६ मत ल्याएका छन् । उक्त निर्वाचन क्षेत्रमा ८१ हजार २ सय २ मत खसेको थियो ।
यो क्षेत्रमा नेकपा एकीकृत समाजवादीका राजीव गुरुङको उम्मेदवारी दर्ता भएपछि गठबन्धनले जनमुक्ति पार्टीका उम्मेदवारलाई समर्थन गरेको थियो । पौडेलको यो निर्वाचन क्षेत्रमा चौथो जीत हो ।
अझै १५१२३ मत गणना गर्न बाँके रहेको छ। उता कांग्रेस नेतृ सुजाता कोइराला पराजित बनेकी छन् । मोरङ २ बाट उम्मेदवार रहेकी उनी एमालेका ऋषिकेश पोखरेलसँग पराजित बनेकी हुन् ।
ऋषिकेशले ३३ हजार १४८ मत पाउँदा सुजाताले ३१ हजार ९४० मत पाइन् । सुजाता कांग्रेसका दिवंगत नेता तथा पूर्वप्रधानमन्त्री गिरीजाप्रसाद कोइरालाकी छोरी हुन् ।
