अनलाइन डबली
काठमाडौं । मकवानपुर क्षेत्र नम्बर १ को प्रदेश सभा १ बाट माओवादी केन्द्रका प्रेमबहादुर पुलामी (छिन्तु) विजयी भएका छन् ।
छिन्तुले १९ हजार ७१९ मत ल्याएर निर्वाचित भएका हुन् । उनका प्रतिस्पर्धी नेकपा एमालेका कमलबहादुर बिष्टले १५ हजार ३३२ मत पाए ।
मकवानपुर १९१० बाट प्रदेशसभा सदस्यका लागि २ स्वतन्त्र सहित १० जनाले उम्मेदवार प्रतिस्पर्धामा थिए ।
त्यस्तै, भोजपुरमा प्रदेशसभा (२) तर्फ नेपाली कांग्रेसका विनोद राई विजयी भएका छन् । सत्ता गठबन्धनबाट उम्मेदवार बनेका कांग्रेसका वान्तावाले नेकपा एमालेका खड्गबहादुर कार्कीलाई ७५१ मतान्तरले पराजित गरेका हुन् ।
राईले १३ हजार ५ सय ७९ मत ल्याउँदा उनका प्रतिस्पर्धी कार्कीले १२ हजार ८ सय २८ मत ल्याए ।
प्रदेशसभा २ मा २९ हजार ४ सय ७४ मत खसेको थियो । जसमध्ये सदर मत २८ हजार ३ सय २५ र बदर १ हजार १ सय ४९ रहेकोछ । आधिकारिक रुपमा विजयी घोषणा भने हुन बाँकी रहेको छ ।
