आज :

एमाले र माओवादीका शक्तिशाली ‘महासचिव’ पराजित, उनीहरूलाई पछार्दै कसले मार्यो बाजी ?

  • अनलाइन डबली

काठमाडौँ । यो पटकको निर्वाचनमा नेपालका ठुला दुई कम्युनिस्ट पार्टीका महासचिवद्धय पराजित भएका छन् । नेकपा एमालेका महासचिव शंकर पोखरेल र नेकपा माओवादी केन्द्रका महासचिव देव गुरुङ प्रतिनिधिसभा सदस्य पदमा पराजित भएका हुन् ।

पोखरेललाई दाङ निर्वाचन क्षेत्र नम्बर–२ बाट माओवादी केन्द्रकी उम्मेदवार रेखा शर्माले पराजित गरेकी हुन् भने माओवादीका गुरुङलाई एमालेका उपमहासचिव समेत रहेका पृथ्वी सुव्वा गुरुङले पराजित गरेका हुन् ।

रोचक त के छ भने एमालेका पोखरेललाई माओवादी उम्मेदवारले हराउँदा देवलाई एमालेका पृथ्वीले हराएका हुन् । दाङ–२ बाट हार्ने एमालेका पोखरेल पूर्वमुख्यमन्त्री हुन् लमजुङमा माओवादीका महासचिव गुरुङलाई हराउने एमालेको पूर्वमुख्यमन्त्री हुन् ।

सत्ता गठबन्धनका उम्मेदवार नेकपा माओवादी केन्द्रका महासचिव देवप्रसाद गुरुङलाई तीन हजार एक सय ८८ मतले पराजित गर्दै एमाले उपमहासचिव गुरुङ निर्वाचित भएका हुन् । पृथ्वीले ३४ हजार नौ सय ६९ मत पाउँदा प्रतिद्वन्द्वी देवले ३१ हजार ७ सय ८१ मत पाएका छन् ।

०७४ को प्रतिनिधिसभा तथा प्रदेशसभा सदस्य चुनावमा लमजुङ प्रदेश (२) बाट विजयी पृथ्वीले त्यसबेला देवलाई प्रतिनिधिसभा सदस्यमा निर्वाचित गर्न सहयोग गरेका थिए । पोखरेललाई माओवादी नेतृ शर्माले झिनो मतान्तरले हराएकी हुन् । २०७४ एमाले माओवादी गठबन्धन भएसँगै दाङको प्रदेशसभामा निर्वाचित भएका थिए ।

महासचिव पोखरेल २०५१ सालको संसदीय निर्वाचनमा दाङ क्षेत्र नं. ३ बाट निर्वाचित भएका थिए । उनी २०५६ मा पनि सोही क्षेत्रका उम्मेदवार थिए । विद्यार्थी आन्दोलनका कारण २०३५ सालदेखि राजनीतिमा संलग्न उनी पहिलोपटक २०३७ सालमा जेल परेका थिए ।

पटक पटक गरी एक वर्ष जेल जीवन बिताएका पोखरेल एमालेका केन्द्रिय सदस्य, सचिव, सचिवालय सदस्य हुँदै गत मंसिरमा भएको महाधिवेशनमा महासचिव निर्वाचित भएका थिए ।

उनी प्रदेश सभामा निर्वाचित भएसँगै लुम्विनी प्रदेशको मुख्यमन्त्री बने तर लुम्बिनीको राजधानी दाङ कायम गर्ने सवालमा विवादमा परेका थिए । एमाले अध्यक्ष केपी ओलीका विश्वासपात्र मध्येमा पर्ने पोखरेल एमालेमा जबजको व्याख्याताका रुपमा समेत परिचित हुन् ।

कम्युनिस्ट पार्टीका दुई महासचिव पराजित बन्दा यही निर्वाचनमा नेपाली काँग्रेसका दुई महामन्त्री बने निर्वाचित भएका छन् । कांग्रेसका महामन्त्रीद्धय गगन थापा काठमाडौ–४ र विश्वप्रकाश शर्मा झापा १ बाट निर्वाचित भएका हुन् ।

काठमाडौं ४ बाटा थापाले एमालेका विदेश विभाग प्रमुख राजन भट्टराईलाई पराजित गरेका हुन् भने शर्माले एमालेकै अग्निप्रसाद खरेललाई पराजित गरेका हुन् ।

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा
दर्ता नं. १५४/०७३-७४

Copyright © 2021 Online Dabali | Powered By EasySoftnepal