अनलाइन डबली
काठमाडौं । नेकपा एमाले र नेकपा माओवादी केन्द्रका महासचिव क्रमशः शंकर पोखरेल र देव गुरुङ चुनावी प्रतिस्पर्धामा रेड जोनमा परेका छन् । पछिल्लो पटक सार्वजनिक भएको मत परिणामअनुसार दाङ क्षेत्र-२ बाट उम्मेदवारी दिएका पोखरेल निरन्तर पछि पर्दै आएका छन् । उनी सुरुवातमै पछि परेक थिए । पोखरेल माओवादी केन्द्रकी रेखा शर्मासँग चुनावी प्रतिस्पर्धामा थिए ।
यो समाचार तयार पार्दासम्म निर्वाचन आयोगले औपचारिक रुपमा हालसम्म शर्माले ७ हजार ५११ मत पाउँदा पोखरेलले ५ हजार ९३९ मत मात्र पाएका छन् । गठबन्धनको तर्फबाट उम्मेदवारी दिएकी शर्माले सुरुदेखि नै पोखरेललाई पछि पार्दै आएकी छन् ।
त्यसैगरी माओवादी केन्द्रका महासचिव देव गुरुङले लमजुङबाट उम्मेदवारी दिएका थिए । गुरुङले सुरुमा अग्रता लिएपनि नेकपा एमालेका पृथ्वी सुब्बाले अहिले पछि पारेका छन् । उनलाई एमालेका नेता तथा पूर्व मुख्यमन्त्री पृथ्वी सुब्बाले पछि पारेका छन् ।
माओवादीका महासचिव गुरुङले ९ हजार ७९७ मत प्राप्त गर्दा एमालेका उम्मेदवार पृथ्वी सुब्बा गुरुङले ११ हजार ६१७ मत पाएका छन् । गुरुङले मतान्तर घटाउन सकेका छैनन् ।
यसैबीच केही स्थानमा समानुपातिक तर्फको मतगणना पनि जारी रहेको छ । अहिलेसम्म सबैभन्दा बढी मत नेकपा एमालेले ल्याएको छ भने प्रत्यक्षतर्फ पहिलो हुने संकेत गरेको नेपाली काँग्रेस समानुपातिक तर्फ पछि परेको छ । यो प्रारम्भिक भएकोले कसले लिड गर्ने हो अहिले नै भन्न नसकिने बताइएको छ ।
आज दिउँसो १ बजेसम्म अढाइ लाख गणना हुँदा एमालेले ८४ हजार ८ सय मत सहित अगाडि छ । कांग्रेसले ७१ हजार पाँच सय मत पाएको छ । एमाले भन्दा कांग्रेस १३ हजार भन्दा बढीले पछाडि छ । तेस्रो स्थानमा राष्ट्रिय स्वतन्त्र पार्टी आएको छ । घण्टी चिह्नतर्फ समानुपातिकमा ३६ हजार ल्याएको छ ।
त्यस्तै नेकपा माओवादी केन्द्रले ३२ हजार ल्याएको छ । समानुपातिकतर्फ राप्रपाले उत्साहजनक मत पाइरहेको छ । अहिलेसम्म राप्रपाले २० हजार मत ल्याएको छ । ३ हजार ७७६ मत ल्याएको एकीकृत समाजवादी भन्दा जनमत पार्टी, नेमकिपा र नागरिक उन्मुक्ति पार्टीले बढी मत ल्याएको छ ।
