![](https://onlinedabali.com/wp-content/uploads/2022/11/gagan_thapa.jpg)
काठमाडौँ । नेपाली कांग्रेसका महामन्त्री गगन थापा काठमाडौं ४ बाट विजयी भएका छन् । थापा २१ हजार ३०२ मत प्राप्त गर्दा उनका निकटतम प्रतिद्वन्द्वी एमाले राजनकुमार भट्टराईले १३ हजार ८५५ मत प्राप्त गरे ।
राप्रपाका डा ठाकुर मोहन श्रेष्ठले ४ हजार ५० मत पाउँदा स्वतन्त्र अर्जुन कुमार पर्साइले २ हजार ३०८ मत पाएका थिए । नेपाली कांग्रेसले जारी मतगणनामा ४६ स्थानमा अग्रता बनाएको छ । यस्तै तीन निर्वाचन क्षेत्रमा विजय हासिल गरेको छ ।
मंगलबार बिहान साढे १० बजेसम्मको अद्यावधिक विवरणअनुसार काठमाडौं १ मा कांग्रेसका प्रकाशमान सिंह विजयी भएका छन् । यसैगरी मुस्ताङमा योगेश गौचन थकाली र मनाङमा टेकबहादुर गुरुङ विजयी भएका छन् ।
सिन्धुपाल्चोक क्षेत्र नम्बर २ मा एमाले उम्मेदवार शेरबहादुर तामाङलाई पछि पार्दै कांग्रेसका उम्मेदवार मोहनबहादुर बस्नेतले अग्रता लिएका छन् ।
उता बस्नेतको ४ हजार ६१६ मत पाएका छन् । तामाङले २ हजार ९३९ मत पाउँदा बस्नेत १६७७ सय बढी मतले अघि देखिएका छन् । सिन्धुपाल्चोक क्षेत्र नम्बर २ को इन्द्रावती गाउँपालिकाको ६ वटा वडाको मत गणना हुँदा यो परिणाम आएको हो ।
यस्तै प्रदेशसभातर्फ प्रदेश प्रदेश ‘ख’ मा माओवादीका युवराज दुलालले ४ हजार ५२९ मतले अग्रता लिएका छन् भने प्रतिस्पर्धी एमालेका अमानसिंह तामाङले २ हजार ८४४ मत पाएका छन् । दुलालले १ हजार ६८५ मतले अग्रता हासिल गरेका छन् ।