![](https://onlinedabali.com/wp-content/uploads/2022/11/acc_4JHMxuj4cs.jpeg)
काठमाडौँ । अमेरिकाको टेक्सास राज्यमा भएको एयर शोमा विश्वयुद्धकालीन दुई पुराना विमानहरू ठोक्किएर दुर्घटनाग्रस्त भएका छन् ।
फुटेजमा कम उचाइमा रहेका विमानले एकअर्कालाई प्रहार गरिरहेको देखाउँछ । एउटा विमान आधा टुक्रा परेको र भुइँमा खस्दा आगो लागेको देख्न सकिन्छ ।
विमानहरू डलास नजिक एउटा स्मारक एयर शोमा भाग लिइरहेका थिए। दुई विमानमा कति जना सवार थिए वा कोही बाँचे भने तत्काल खुल्न सकेको छैन। दुईमध्ये एउटा बोइङ बी–१७ फ्लाइङ फोर्ट्रेस थियो ।
संघीय उड्डयन प्रशासनले शनिबारको विंग्स ओभर डलास एयर शोमा भएको दुर्घटनाको अनुसन्धान गर्ने बताएको छ । भेटरन्स डेको सम्मानमा तीनदिने कार्यक्रम आयोजना गरिएको थियो ।
डलासका मेयर एरिक जोन्सनले यसलाई ‘भयानक त्रासदी’ भनेका छन् । ‘भिडियोहरू हृदयविदारक छन्,’ उनले ट्वीट गरे, ‘कृपया, आज हाम्रो परिवारलाई मनोरञ्जन र शिक्षा दिनको लागि आकाशमा पुगेका आत्माहरूको लागि प्रार्थना गर्नुहोस्।’
हताहतिको संख्या अझै पुष्टि भइसकेको तर जमिनमा कोही पनि घाइते नभएको उनले बताए । बी १७ बमवर्षकले दोस्रो विश्वयुद्धमा जर्मनी विरुद्धको हवाई युद्ध जित्न प्रमुख भूमिका खेलेको थियो।
दोस्रो विमान, एक पी ६३ किंगकोब्रा दोस्रो विश्व युद्धमा प्रयोग गरिएको लडाकू विमान थियो । यसैबीच अमेरिकी संघीय उड्डयन प्रशासनले शनिबारको विमान दुर्घटनाको कारणबारे अनुसन्धान गरिरहेको जनाएको छ ।
यस घटनाको जानकारी दिने वेबसाइटका अनुसार एयर शोमा धेरै पुराना विमानले उडान भर्न लागेका थिए । दुर्घटनामा समावेश दुई विमान पी–६३ किङकोबरा पनि एक लडाकू विमान थियो जसको प्रयोग सोभियत वायु सेनाले गरिरहेको थियो ।
⚠️ GRAPHIC VIDEO: A mid-air collision involving two planes near the Dallas Executive Airport, today. The accident took place during the Wings Over Dallas WWII Airshow at 1:25 p.m., according to Dallas Fire-Rescue. A @FOX4 viewer took this video. @FOX4 is working for more details. pic.twitter.com/jdA6Cpb9Ot
— David Sentendrey (@DavidSFOX4) November 12, 2022