अनलाइन डबली
काठमाडौँ। टोंगामा शक्तिशाली भूकम्प गएको छ । अमेरिकी भूगर्भ सर्वेक्षणका अनुसार शुक्रबार अबेर राति टोंगाको समुन्द्रमा ७.१ म्याग्निच्युडको भूकम्प गएको हो । भूकम्पपछि सुनामीको चेतावनी दिइएको छ ।
सर्वेक्षणका अनुसार उक्त भूकम्प प्रशान्त महासागरीय द्वीपसमूह राष्ट्रको उत्तरपूर्वमा रहेको नेयाफु शहरको करिब २०० किलोमिटर दक्षिणपूर्वमा १० किलोमिटर (छ माइल) गहिराइमा हो ।
यसैबीच संयुक्त राष्ट्रसंघले नोभेम्बर १५ सम्ममा विश्वको जनसङ्ख्या आठ अर्ब पुग्ने अनुमान गरेको छ। सन् २०२३ मा भारतले चीनलाई विस्थापित गर्ने प्रतिवेदनमा उल्लेख छ ।
यो प्रक्षेपण यस वर्ष जुलाई ११ मा विश्व जनसङ्ख्या दिवसमा जारी गरिएको राष्ट्रसंघीय जनसंख्या सम्भाव्य २०२२ मा खुलासा गरिएको थियो तर अनुमानित समयसीमा केही दिन मात्र बाँकी रहेकाले अहिले यो प्रक्षेपण भइरहेको छ । सन् १९५० पछि पहिलो पटक सन् २०२० मा विश्वव्यापी जनसंख्या वृद्धि एक प्रतिशतभन्दा तल झरेको एजेन्सीले जनाएको छ ।
प्रतिवेदनले सन् २०५० सम्ममा अनुमानित जनसंख्या वृद्धिको आधाभन्दा बढी कंगो, इजिप्ट, इथियोपिया, भारत, नाइजेरिया, पाकिस्तान, फिलिपिन्स र तान्जानियामा मात्र केन्द्रित हुने उल्लेख गरेको छ ।
हालैको संयुक्त राष्ट्रसंघको अनुमानअनुसार विश्वको जनसंख्या सन् २०३० मा करिब ८.५ अर्ब, २०५० मा ९.७ अर्ब र त्यसपछि २०८० को दशकमा १०.४ अर्ब पुग्ने र सन् २१०० सम्म त्यो स्तरमा रहने अनुमान गरिएको छ ।
त्यस्तै अन्तर्राष्ट्रिय मुद्रा कोषले बंगलादेशलाई ऊर्जा र खाद्यान्नको बढ्दो मूल्यको सामना गर्न मद्दत गर्नको लागि ४.५ अर्ब डलरको सहयोग प्याकेज उपलब्ध गराउन प्रारम्भिक सम्झौता गरेको जनाएको छ ।
रुसले युक्रेनमा गरेको आक्रमणपछिको मूल्यमा भएको तीव्र वृद्धिले अन्य एसियाली अर्थतन्त्रहरू जस्तै बंगलादेशलाई नराम्ररी असर गरेको छ, जसका कारण सर्वसाधारणहरु सडक आन्दोलनमा उत्रिएका छन् ।
करिब १७ करोड जनसंख्या भएको दक्षिण एसियाली देशले यस वर्षको सुरुमा सहयोगका लागि आईएमएफलाई सम्पर्क गरेका थिए ।
आईएमएफ र ढाकाका प्रतिनिधिहरूले विभिन्न सुविधाहरू अन्तर्गत कुल ४/५ बिलियन डलरको साथ ‘बंगलादेशको आर्थिक नीतिहरूलाई सहयोग गर्न कर्मचारी स्तरको सम्झौतामा पुगेका थिए’ संस्थाले एक विज्ञप्तिमा भन्यो । यो सम्झौता आईएमएफ व्यवस्थापनको स्वीकृतिको विषय थियो ।
