अनलाइन डबली
अछाम । चुनावी प्रचार तथा घरदैलोको क्रममा वाम लोकतान्त्रिक गठबन्धनका उम्मेदवार रामारोशन गाउँपालिकाका विभिन्न वडामा पुगेका छन् । गठबन्धनका तर्फबाट प्रतिनिधिसभा सदस्य उम्मेदवार शेरबहादुर कुँवर र प्रदेशसभा (ख) का उम्मेदवार झपट साउदसहित नेताहरु टोलटोलमा पुगेर आफूहरुलाई भोट मागिरहेका छन् ।
यसैक्रममा शुक्रबार वडा नम्बर ६ मा गठबन्धनले चुनावी सभाको आयोजना गरेको छ । नेकपा एकीकृत समाजवादीका केन्द्रीय सदस्य समेत रहेका कुँवरले अहिलेसम्मको परिवर्तनका उपलब्धीको रक्षाको लागि वाम लोकतान्त्रिक गठबन्धन बनेको बताउँदै गठबन्धनका उम्मेदवारलाई भोट दिन आग्रह गरे । उनले चुनावमा गठबन्धनको जित सुनिश्चित भएको भन्दै चुनावपछि बन्ने गठबन्धनको सरकारले देशलाई समृद्धिको बाटोमा हिड्ने दाबी समेत गरे ।
त्यसैगरी प्रदेशसभा सदस्य उम्मेदवार झपट साउद, नेकपा माओवादी केन्द्रका जिल्लासंयोजक रविन्द्र साउद देशको आवश्यकतामा गठबन्धन बनेको बताउँदै यसको जितसँग देश र जनताको अविश्य जोडिएको बताएका छन् । उनीहरुले गठबन्धका उम्मेदवारलाई जिताउन समेत मतदातालाई आग्रह गरेका थिए ।
