अनलाइन डबली
काठमाण्डाै। काठमाडौँमा मेलम्चीको खानेपानी आउदो पुसमा मात्र वितरण हुने भएको छ । बर्खामा बाँध बन्द गरेर रोकिएको मेलम्चीको खानेपानीको मुहान आउँदो पुसमा खोलिने भएका कारण तोकिएको समय भन्दा एक महिना ढिलो गरि वितरण प्रणाली सुचारु गरिन लागिएको हो । मेलम्ची खानेपानी विकास समितिले दशैँलगत्तै पानी पठाउने भनिए पनि स्थानीय बासिन्दाका माग सम्बोधन गर्नेदेखि सडक मर्मतको काम नसएक किएकाले मेलम्चीको पानी वितरणमा ढिलाइ भएको जनाएको छ ।
यसपालि बर्खामा बाढीले पुर्याउन सक्ने क्षतिलाई मध्यनजर गर्दै मेलम्ची खानेपानी विकास समितिले मेलम्चीको बाँधबाटै पानी रोकेको थियो । मेलम्चीको बाँधतर्फ जाने १३ किलो मिटर सडक गएको वर्ष आएको बाढीका कारण बिग्रिएको थियो । मेलम्ची पुल बजारदेखि अम्बाथानसम्म भत्किएको सडकको केही भाग पालिकाले मर्मत गरे पनि हेलम्बुदेखि झण्डै चार किलो मिटर सडक अझै मर्मत हुन सकेको छैन ।
झण्डै दुई वर्षअघि मेलम्चीको पानी काठमाण्डाै ल्याइएको भएता पनि बार्है महिना खानेपानी वितरण गर्न सकिएको भने छैन । २०७८ सालको असार १ र १५ गतेको बाढीले मेलम्चीको बाँधमा क्षति पुर्याएको क्षति झन्डै सात महिना लगाएर समाधान गरिएको थियो ।
