अनलाइन डबली
काठमाडौं । नेपाली रुपैयाँ कमजोर बन्दै गएको छ । पछिल्ला दिनमा अमेरिकी डलर नेपालमा महंगो हुँदै गइरहेको छ । तर हिजोको तुलनामा आज अमेरिकी डरलको मूल्य केही घटेको छ । हिजो एक अमेरिकी डलरको मूल्य १३१ रुपैयाँ पुगेको थियो । आज फेरि घटेर १३० झरेको छ ।
नेपाल राष्ट्र बैंकले मंगलबारका लागि तोकेको विदेशी मुद्राको विनिमय दर अनुसार आज डलरको खरिद दर १३० रुपैयाँ ३० पैसा र बिक्री दर १३० रुपैयाँ ९० पैसा रहेको छ। यो डलरको अहिलेसम्मकै उच्च रेट हो । त्यस्तै युरो एकको खरिद दर १२५ रुपैयाँ ७४ पैसा र बिक्री दर १२६ रुपैयाँ ३२ पैसा रहेको छ।
त्यसैगरी भारतीय रुपैयाँ एक सयको खरिद दर १६० रुपैयाँ रहेको छ भने बिक्री दर १६० रुपैयाँ १५ पैसा रहेको छ । बेलायती पाउण्ड एकको खरिद दर १३९ रुपैयाँ ८८ पैसा र बिक्री दर १४० रुपैयाँ ५२ पैसा रहेको छ। कतारी रियालको मूल्य एकको खरिद दर ३५ रुपैयाँ ५२ पैसा र बिक्री दर ३५ रुपैयाँ ६९ पैसा रहेको राष्ट्र बैंकले जनाएको छ।
