अनलाइन डबली
काठमाडौं । काठमाडौंको गोठाटारमा अज्ञात व्यक्तिको गो ली प्रहारबाट एक जना घाइते भएका छन् । घाइते व्यक्तिको पहिचान खुलेको छ ।
कागेश्वरी मनहरा नगरपालिका वडा नम्बर ८ स्थित गोठाटार कृष्ण मन्दिर नजिकै अज्ञात व्यक्तिले चलाएको गो ली लागेर लाल मोहम्मद भन्ने मोहम्मद दर्जी घाइते भएका हुन् ।
सर्लाहीको हरिवन घर भएका उनी कोगेश्वरी बस्दै आएको उपत्यका प्रहरी अनुसन्धान कार्यालयका एक अधिकारीले जानकारी दिए ।
रातो रंगको सर्ट लगाएर पल्सर मोटरसाइकलमा आएका व्यक्तिले गो ली हानेर भागेको प्रहरीले जनाएको छ। घाइतेलाई टिचिङ अस्पतालमा लगिएको प्रहरीले जनाएको छ ।
सोमबार साँझ भएको घटनामा ४ राउण्ड गो ली चलेको बताइएको छ । दर्जीलाई टाउकोमा दुई राउण्ड, दायाँ हातमा एक राउण्ड र दायाँ तिघ्रामा १ राउण्ड गो ली लागेको छ ।
५८ वर्षीय उनको अवस्था गम्भीर रहेको प्रहरीले जनाएको छ । गो’ली हानेर भाग्ने व्यक्तिको खोजीका लागि उपत्यकाका नाकाहरुमा कडाइ गरिएको छ ।
