काठमाडौँ । प्रभु बैंक लिमिटेड र नेपाल एल.पि. ग्यास उद्योग संघबीच बैंकिङ्ग सेवा विस्तार गर्ने सम्बन्धी सम्झौता पत्रमा हस्ताक्षर सम्पन्न भएको छ । प्रभु बैंक लि.को बबरमहलस्थित प्रधान कार्यालयमा आयोजित एक समारोहमा बैंकका तर्फबाट प्रमुख कार्यकारी अधिकृत अशोक शेरचन र नेपाल एल. पि. ग्याँस उद्योग संघका तर्फबाट निवर्तमान अध्यक्ष गोकुल भण्डारीले सम्झौता पत्रमा हस्ताक्षर गरेका छन् ।

प्रभु बैंक र नेपाल एल.पि. ग्यास उद्योग संघका बिच सम्पन्न उक्त सम्झौतामा बैंकले संघमा आवद्ध सदस्यहरुलाई नेपाल आयल निगम बाट एल.पि. ग्यास खरिद र ढुवानी प्रयोजनका लागि खरिद डेलिभरी अर्डर जारी गर्न गैर कोषमा आधारित बैंक जमानत कर्जा एवं अन्य सुविधाहरु उपलब्ध गराउने उल्लेख छ ।

त्यस्तै, नेपाल एल.पि. ग्यास उद्योग संघका सम्पूर्ण सदस्यहरुले प्रभु बैंकमा खाता खोली बैंकिङ्ग कारोबार गर्ने सम्बन्धी सम्झौता सम्पन्न भएको छ । उक्त सम्झौता पश्चात नेपाल एल.पि. ग्याँस उद्योग संघका सदस्यहरु लाभान्वित हुने बिश्वास बैकले लिएको छ ।