काठमाडौँ । नेपाल कम्युनिस्ट पार्टी माओवादी (समाजवादी)का अध्यक्ष कर्णजीत बुढाथोकी ‘सुशील’ लाई मातृ शोक परेको छ । हुम्लाको सर्केगाड गाउँपालिका–६ बराईस्थित घरमै सुशीलकी ८५ बर्षीय आमा मिमकला बुढाथोकीको निधन भएको हो ।
छाती सम्बन्धी समस्याबाट पीडित मिमकलाको यही भदौ १५ गते विहान निधन भएको थियो । मिमकलाका तीन छोराहरुमा धर्मजीत बुढाथोकी, कर्णजीत बुढाथोकी र सुरजीत बुढाथोकी र दुई जना छोरीहरुमा रेलकला बुढाथोकी र कौशिला बुढाथोकी रहेका छन् ।
जसमा जेठा छोरा धर्मजित बुढाथोकी ‘अजय’ र बुहारी (अध्यक्ष सुशीलकी जीवनसंगीनी) उपाल लामा ‘प्रगती’ ले दशवर्षे जनयुद्धमा शहिद भएका थिए । अध्यक्ष सुशीललाई विभिन्न पार्टीका नेता तथा कार्यकर्ता तथा सामाजिक अभियान्ताहरुले समवेदना दिएका छन् ।