काठमाडौँ । काठमाडौंको मेयर बालेन्द्र शाहसहितको टोली आज सुरज आर्केडमा जाने तयारी गरेको छ । यो समाचार तयार पार्दासम्म बालेनको टोली उक्त व्यपारिक महमा पुगिसकेको छैन । महानगरको टोली आउने थाहा पाएसँगै महानर प्रहर बलको टोली पुगेको छ ।
महानगरले काठमाडौँको न्यूरोडस्थित सुरज आर्केडको बेसमेन्ट खाली गराउन काठमाडौं महानगरपालिकाले निर्देशन दिएको थियो । बेसमेन्टमा पार्किङ गराउनपर्ने भन्दै सुरज आर्केड अगाडिको पार्किङ हटाउन लागिएको महानगरपालिकाले जनाएको छ।
नगर प्रहरी प्रमुख राजुनाथ पाण्डेसहितको टोली न्यूरोडमा रहेको सुरज आर्केडको पार्किङ खाली गराउन पुगेको छ । मेयर शाह पनि आउने तयारी भइरहेको बताइएको छ । महानरको डोजरले भत्काउने हल्लासँगै सुरज आर्केडका व्यपारीको भागाभाग भएको छ ।
अहिले काठमाडौं महानगरपालिकाको टोली बेसमेन्ट खाली गराउन बसन्तपुर प्लाजामा पुगेको छ । अनधिकृत रुपमा संरचना बनाएर भाडामा लगाएको सूचनाका आधारमा महानगरको टोली बसन्तपुर प्लाजा पुगेको हो ।
महानगरको टोलीले विहानैदेखि मखन र बसन्तपुर क्षेत्रमा बेसमन्ट खाली गर्न अभियान चलाइरहेको छ । सुरज, अर्केड, चन्द्र प्लाजा, चन्दा चकोरी र मखन प्लाजाको बेबसमेन्ट खलाी गराउन थालिएको छ ।
शाहले नर्भिक अस्पतालले सरकारी जग्गामा बनाइएका संरचना हटाउन अभियान सुरु गरेका थिए । तर, अदालतले निर्भकको संरचना तत्काल नहटाउन आदेश दिएको छ ।
अवैध रुपमा बनाएका संरचना, नक्सा अनुसार पार्किङ बनाइएकोलगायतका मापदण्ड पूरा नगरेका संरचना महानगरले भत्काउन थालेको छ ।
यसअघि मेयर शाह आफै पुगेर वानेश्वर बुद्धनगरस्थित अल्फाबिटाले बनाएको संरचना भत्काएको थिए । त्यसपछि शंखमुल, सुन्धारा न्यूरोड, बालाजु लगायतका क्षेत्रका अवैधानिक संरचना धमाधम महानगरपालिकाले भत्काइरहेको छ।