काठमाडौँ । नेकपा (माओवादी केन्द्र)का अध्यक्ष प्रचण्डले धरानका मेयर हर्क साम्पाङको अभियानलाई साथ दिएका छन् । प्रचण्डले शुक्रबार सँगै वृक्षारोपण गरेर साथ दिएका हुन् । यसअघि मेयर साम्पाङ काडमाडौँ आएर भेट गरी प्रचण्डलाई श्रमदानको निम्तो दिएका थिए । प्रचण्डले वृक्षारोपणमा सहभागी हुने बचन दिएका थिए ।
अध्यक्ष प्रचण्ड शुक्रबार धरानको ओसो पार्कमा भएको वृक्षरोपण कार्यक्रममा प्रचण्ड सहभागी भएका थिए । मेयर साम्पाङसँगै धरान उपमहानगरपालिकाका जनप्रतिनिधि र सर्वसाधारणको उल्लेख्य सहभागिता रहेको थियो ।
वृक्षारोपण गर्दै प्रचण्डले “सिंगै देशले उहाँ (मेयर हर्क साम्पाङ) को कामलाई बडो गम्भिरतापूर्वक हेरेको छ । म के भन्न चाहान्छु भने, हामी कम्युनिष्टहरुले र अझ खासगरी माओवादीले गर्नुपर्ने काम उहाँले गरिराख्नु भएको छ । म पार्टीका साथीहरु र देशका सबै श्रमजिवी जनतालाई पनि हर्कको व्यवहार बाट, उहाँको आचरणबाट प्रेरणा लिन म अनुरोध गर्न चाहान्छु ।”
वृक्षारोपण गर्दै प्रचण्डले जेबी टुहुरेलाई सम्झेको बताएका छन् । उनले भने “मैले आज यो वृक्षारोपण गर्दै गर्दा नेपालका एकजना प्रगतिशिल गितकार पनि, असाध्यै लोकप्रिय जेबि टुहुरेलाई सम्झेको छु । आज जेबि टुहुरेको स्मृति दिवसको दिन पनि हो । र मेरो यो वृक्षारोपण उहाँकै लागि सर्मपित भएको म घोषणा गर्न चाहान्छु ।”
अध्यक्ष प्रचण्ड एक नम्बर प्रदेशकाे पार्टी कार्यक्रममा सहभागी हुन धरान पुगेका छन् ।