![](https://onlinedabali.com/wp-content/uploads/2021/03/perisdanda_maobadi-e1642836883217.jpeg)
काठमाडौं । नेकपा (माओवादी केन्द्र)को स्थायी कमिटीको बैठक आज पनि बस्ने भएको छ । शुक्रबार बसेको बैठकले पदाधिकारीबारे छलफल गरेपनि टुंगो लगाउन सकेको थिएन । नेताहरुका अनुसार पात्रहरुको बारेमा शुक्रबार छलफल भएको थियो ।
सम्भतः आज थप्न बाँकी स्थाियी समिति सदस्यको नाम र पदाधिकारीको टुंगो लाग्ने एक नेताले बताए । बैठक दिउँसो १ बजे पार्टी कार्यालय पेरिसडाँडामा बस्ने केन्द्रीय कार्यालयले जानकारी दिएको छ । प्रबक्ता कृष्णबहादुर महराले शुक्रबार पात्रहरुको बारेमा छलफल भएको आज टुंगो लाग्न सक्ने बताए ।
विहीबार बोलाइएको बैठक तयारी नपुगेको र अध्यक्षको व्यवस्ताका कारण शुक्रबार सारिएको थियो । सत्ता गठन्धन र संसद बैठकका कारण पटकपटक माओवादीको बैठक स्थगित हुँदै आएको छ ।
महाधिवेशनपछि बसेको पहिलो केन्द्रीय समिति बैठकले अध्यक्षको निर्वाचित गरेको थियो । त्यसपछि स्थानीय चुनावपछि पदाधिकारी चयन गर्ने भन्दै बैठक स्थगित गरिएको थियो ।
मुख्यगरी महासचिवमा को बन्ने भन्ने कुरा नमिल्दा पदाधिकारको टुंगो लगाउन समस्या भएको बताइएको छ । महासचिवमा स्थायी समिति सदस्य जनार्दश शर्मा प्रभाकर र वर्षमान पुन मुख्य दाबेदार रहेका छन् । दुबै नेताले दाबी नछोडेपछि अध्यक्ष प्रचण्डले तेस्रो विकल्पको रुपमा नेता देव गुरुङलाई अघि सार्न सक्ने बताइएको छ ।
वरिष्ठ उपाध्यक्षमा नारायणकाजी श्रेष्ठ, उपाध्यक्षमा कृष्णबहादुर महराको टुंगो लागेपनि बाँकी नेताहरुको भने बाँकी नै छ । पहिला महासचिवको टुंगो लागेमात्रै कुन नेतालाई कुन जिम्मेवारी दिने भन्नेबारे छलफल हुने नेताहरुले बताएका छन् ।