अनलाइन डबली
हुम्ला । जिल्लामा स्थानिय निर्वाचनको समयदेखि अन्य पार्टीहरुबाट नेकपा(माओवादी केन्द्र)मा प्रवेश गर्ने लहर रोकिएको छैन, हालै जिल्लाका विभिन्न ठाउँहरुमा अन्य पार्टीहरुबाट माओवादीमा धुर्बीकृत भएको समाचार छ ।
नेकपा (माओवादी केन्द्र)का कर्णाली प्रदेश सदस्य जसबहादुर भण्डारीका अनुसार सिमकोट गाउँपालिका वडा नं –७ चौगानफयामा १ दर्जन नेपाली काँग्रेसबाट माओवादीमा धुर्वीकृत भएका छन् । भण्डारीले सामाजिक सञ्जालमा स्टाटस लेख्दै उल्लेख गरेका छन्,‘माओवादीका लागि मरुभूमिका रुपमा रहेको चौगनफयामा केही उन्नत जातका बिरुवा रोपेर हरियाली बनाउने प्रयास गरिएको छ ।’ चौगनफयामा गोविन्द शाही,छक्क शाही र गिरिजा सिंह गरी एक दर्ज प्रवेश गरेको जनाइएको छ ।
त्यसैगरी वडा नं ७ डाँडाफयामा नेकपा एमालेबाट पाल्दन सुनार,गणेश सुनार र डबल सुनार माओवादी केन्द्रमा प्रवेश गरेका छन् ।उनिहरुलाई नेकपा(माओवादी केन्द्र)का केन्द्रीय सदस्य तथा जिल्ला पार्टी इन्चार्ज विजय भण्डारी‘प्रतिरोध’ले अविर तथा खादा लगाएर पार्टीमा स्वागत गरेका थिए । कार्यक्रममा पार्टी नेताहरु वीर्जङ शाही, जसबहादुर भण्डारी र छवि थापा लगायतले नवप्रवेशीहरुलाई बधाई तथा शुभकामना दिएका थिए ।
