अनलाइन डबली
काठमाडौँ । भारत भ्रमणमा रहेका नेकपा (माओवादी केन्द्र)का अध्यक्ष प्रचण्ड र भारतीय जनता पार्टी (भाजपा) का अध्यक्ष जेपी नड्डाबीच भेटवार्ता भएको छ ।
पूर्व निर्धारित तालिकाअनुसार आइतबार भाजपा मुख्यालयमा अध्यक्ष प्रचण्ड र नड्डाबीच भेटवार्ता भएको हो । अध्यक्ष प्रचण्डलाई भाजपा विदेश विभाग प्रमुख विजय चौथाइवाले र विदेशमन्त्री एस जयशंकरले प्रचण्डको स्वागत गरेका थिए।
भेटमा दुई देशबीचमा लामोदेखि थाति रहेका असमान सन्धी, सीमा समस्या, छिमेकीबीचका समस्या कुटनीतिक माध्यमबाट समाधान गर्ने लगायतका विषयमा छलफल भएको बताइएको छ । भेटमा भारतीय विदेशमन्त्री जयशंकर र भाजपा विदेश विभाग प्रमुख डा विजय चौथाइवाला पनि सहभागी रहेको प्रचण्डको सचिवालयले जनाएको छ ।
तीन दिने भ्रमण सकेर प्रचण्ड आजै स्वादेश फिर्ता हुने कार्यक्रम रहेको छ । भ्रमण सकेर आज बेलुका ६ बजे फर्किने प्रचण्डको सचिवालयले जनाएको छ ।
अध्यक्ष नड्डालाई भेटेलगतै भारतीय प्रधानमन्त्री नरेन्द्र मोदीलाई समेत भेट्ने बताइएको छ । प्रचण्ड गत शुक्रबारदेखि दिल्लीका विभिन्न कार्यक्रममा सहभागी हुनुका साथै भारतीय उच्च पदस्थ व्यक्तिहरुसँग भेटघाट जारी राखेका छन् ।
