अनलाइन डबली
काठमाडौं । भारत भ्रमणमा रहेका नेकपा माओवादी केन्द्रका अध्यक्ष प्रचण्ड निकै व्यस्त रहेका छन् । शुक्रबार भारत भ्रमणमा गएको प्रचण्ड शनिबार विहानैबाट उच्च राजनीतिक भेटघाटमा व्यस्त रहेको प्रचण्डको सचिवालयले जनाएको छ ।
यसैबीच प्रचण्ड र भारतीय विदेश मन्त्री एस जयशंकर बीच भेटघाट भएको छ । नयाँ दिल्लीमा भएको भेटवार्तामा जयशंकरले प्रचण्डलाई स्वागत गर्न पाउँदा खुशी लागेको बताउँदै आर्थिक सहकार्यमा केन्द्रित भई छिमेकी सम्बन्धलाई सुदृढ बनाउने विषयमा छलफल भएको बताएका छन् ।
भेटपछि भारतीय विदेश मन्त्रालयले छिमेकी पहिलो नीतिलाई प्रतिबिम्बित गर्दै नेपालको विकास र समृद्धिको चाहनामा भारत सदैव भरपर्दो साझेदार रहने प्रतिवद्धता जनाएको छ ।
भारतीय जनता पार्टी (भाजपा) का अध्यक्ष जेपी नडडाको निमन्त्रणमा शुक्रवार दिल्ली पुगेका प्रचण्डले आजै यसअघि भारतीय सुरक्षा सल्लाहकार अजित डोभालसँग भेटवार्ता गरेका थिए । त्यस्तै, बिदेश सचिव विनय मोहन क्वात्रासँग भेटघाट गर्ने कार्यतालिका छ ।
आजै प्रचण्डल फाउन्डेसन फर पब्लिक अवरनेस एन्ड पोलिसीले आयोजित सेमिनारमा प्रमुख बक्ताको रुपमा सहभागी हुने कार्यक्रम तय भएको छ । प्रचण्डले नेपाल-भारत सबन्धका बारेमा आफनो धारण राख्नेछन् ।
साँझ बिदेश मन्त्री जयशंकरले माओवादी अध्यक्ष प्रचण्डको सम्मानमा दिएको रात्री भोजमा सहभागी हुनेछन, जसमा भारत सरकार मन्त्रीहरु पनि सहभागी हुने बताईएको छ ।
यसैगरी, आइतवार भने भारतीय प्रधानमन्त्री नरेन्द्र मोदीसँग भेटवार्ता गर्ने कार्यक्रम तय भएको छ भने आइतबार नै प्रचण्डले भाजपा मुख्यालयको भ्रमणमा पुग्नेछन, त्यसक्रममा उनले भाजपा अध्यक्ष जेपी नड्डासँग भेटघाट गर्नेछन ।
माओवादी अध्यक्ष प्रचण्डको सम्मानमा भाजपा अध्यक्षले दिएको सोही दिन आयोजना गरेको दिवा भोजमा सहभागी हुने कार्यक्रम रहेको छ ।गत शुक्रवार दिल्ली पुगेका प्रचण्डलाई भाजपा बिदेश बिभाग प्रमुख बिजय चौथाईवालाले स्वागत गरेका थिए । उनी सोमवार नेपाल फर्कनेछन ।
