काठमाडौं । नेपाल रुपैयाँ अहिलेसम्मकै कमजोर भएको छ । अमेरिकी डलरसँग सटहीमा नेपालीा रुपैयाँको अहिलेसम्कै कम मूल्य भएको हो । नेपाल राष्ट्र बैंकले शुक्रबारका लागि विदेशी मुद्राको विनिमय दर अनुसार अमेरिकी डलर खरिददर १२७ रुपैयाँ ५१ पैसा पुगेको छ ।
त्यसैगरी बिक्री दल १२८ रुपैयाँ ११ पैसा पुगेको छ । यो अहिलेसम्मकै उच्च हो । त्यस्तै, युरो एकको खरिद दर १२७ रुपैयाँ ७१ पैसा र बिक्री दर १२८ रुपैयाँ ३१ पैसा रहेको छ।
बेलायती पाउण्ड एकको खरिद दर १५० रुपैयाँ ९० पैसा र बिक्री दर १५१ रुपैयाँ ६१ पैसा रहेको छ। कतारी रियालको मूल्य एकको खरिद दर ३४ रुपैयाँ ७१ पैसा र बिक्री दर ३४ रुपैयाँ ८७ पैसा रहेको राष्ट्र बैंकले जनाएको छ।
युक्रने घटनापछि नेपाली रुपैयाँको तुलनामा डलरको मूल्य लगातार बढिरहेको छ । यसले वित्तिय क्षेत्रमा प्रभाव परेको छ । नेपालमा विदेशी मुद्र सञ्चितिमा कमी भइरहेको बेला डलरको मूल्य बढ्दा समस्या थपिएको छ । नेपालमा हरेक वस्तु आयत गर्दा डलरमा मूल्य तिर्ने गरिन्छ । डलरको मूल्य लगातार बढ्दा आयत हुने बस्तु पनि महंगो हुन्छ ।
नेपालमा विदेशी मुद्रा सञ्जितिमा केही सुधार भएको छ । नेपाल राष्ट्र बैंकका अनुसार जेठ समान्तसम्म करिब ३० अर्ब विदेशी मुद्रा संचित भएको छ । विदेशी मुद्रा संचिति घट्दै जान थालेपछि निवर्तमान अर्थमन्त्री जनार्दन शर्मा प्रभाकरले विलासी बस्तु रोक लगाएका थिए ।
केहीले विरोध गरेपनि समग्रमा यसले आर्थिक अवस्था सुधारतिर लगेको छ । असार मसान्तसम्म आउँदा त्यो झन बढ्ने अर्थविद्ले बताएका छन् ।