अनलाइन डबली
काठमाडौँ । भारतीय दूतावासमा गोली लागेर एकजना सुरक्षाकर्मीको मत्यु भएको छ । काठमाडौंस्थित भारतीय दूतावासमा कार्यरत सुरक्षाकर्मीको गोली लागेर मृत्यु भएको हो ।
भारतको उत्तराखण्ड घर भएका सुरक्षाकर्मीले ती सुरक्षाकर्मीले सोमबार आफैलाई गोली प्रहार गरेको बताइएको छ । उनले विहान ९ बजे आफूले बोकेको हतियारले आफैलाई फायर गरेको बताइएको छ । तर, यसका स्वतन्त्र पुष्टि हुन सकेको छैन ।
अहिले उनको शव पोष्टमार्टमको लागि त्रिवि शिक्षण अस्पताल महाराजगंज लगिएको बताइएको छ । विहान कार्यालय खुल्नु भन्दा पहिले नै उनको हतियार फायरिङ भएको छ । घटनाबारे अनुसन्धान भइरहेको दूतवास स्रोतले बताएको छ ।
दूतावासभित्रको घटना भएकोले आफूले आफैलाइ गोली चलाएका हुन् वा विवादपछि उनि मारिएका हुन् भन्ने खुल्न गारो हुने सुरक्षा अधिकारीहरु बताउँछन् । दूतावासले नेपाल प्रहरीलाई दूतावासमा कार्यरत ३० बर्षीय सुरक्षाकर्मीले आत्मह’त्या गरेको जानकारी गराएको छ ।
