अनलाइन डबलीकाठमाडौँ । सरकारले पेट्रोल र डिजेलको मूल्य घटाएको छ । उद्योग तथा आपूर्ती मन्त्री दिलेन्द्र बडुले पत्रकार सम्मेलनको आयोजना गरी पेट्रोल र डिजेलको मूल्य घटाएको जानकारी दिएका छन् ।
शनिबार पत्रकार सम्मलेनमार्फत उद्योग वाणिज्य तथा आपूर्तिमन्त्री दिलेन्द्रप्रसाद बडूले करमा कटौती गर्दै पेट्रोलियम पदार्थको मूल्य घटाइएको जानकारी दिए ।
मन्त्री बडूले डिजेलमा २८ रुपैयाँ र पेट्रोलमा २० रुपैयाँ कर कटौती गरेको जानकारी दिएका छन् । कर कटौती भएसँगै अब डिजेल प्रतिलिटर १६४ र पेट्रोल १७९ रुपैयाँ पर्नेछ ।
सरकारको घोषणासँगै नेपाल आयल निगमले शनिबार राति १२ बजेदेखि लागू हुनेगरी पेट्रोलियम पदार्थको नयाँ मूल्य सार्वजनिक गर्दैछ ।
आजै विहान सत्ता गठबन्धनको बालुवाटारमा बसेको बैठकले पेट्रोल र डिजेलको मल्य घटाउने सहमति जुटाएको थियो । त्यसको लागि सरकारले पेट्रोल र डिजेलमा लगाएको केही कर फिर्ता लिन सरकारलाई निर्देशन दिने सहमति जुटाएको थियो ।
त्यसलगत्तै मन्त्री बडुले मन्त्रालयमा पत्रकार सम्मेलनको आयोजना गरी आजै रातिबाट लागु हुने गरी मूल्य घटाउने जानकारी दिएका थिए । उनले कर फिर्ताकाे प्रक्रिया अर्थ मन्त्रालयले गर्ने समेत बताए ।
