काठमाडौं । अर्थमन्त्री प्रभाकरले पेश गरेको विनियोजन विधेयक २०७९ बहुमतले पारित भएको छ । बिहीबार प्रतिनिधिसभाको बैठकमा अर्थमन्त्रीले पेश गरेको विनियोजन विधेयक २०७९ पारित गरियोस् भन्ने प्रस्ताव बहुमतले पारित भएको हो ।
त्यस्तै सांसदहरुले राखेको २३ वटा खर्च कटौतीको प्रस्ताव संसदले अस्वीकृत गरेपछि विनियोजन विधेयक पारित भएको हो ।
विनियोजन विधेयक संसदमा निर्णयार्थ प्रस्तुत गर्दा प्रमुख प्रतिपक्षी दल नेकपा एमालेका सांसदहरु संसद बैठकबाट बाहिरिएका थिए । उनीहरुले बजेट निर्माण गर्दा अनधिकृत व्यक्ति संहभागी भएको भन्दै छानबिन गर्न माग गरेको छ ।
जेठ १७ गतेदेखि प्रतिनिधिसभामा बजेटमाथिको छलफल सुरु भएको थियो ।
यसअघि अर्थमन्त्री शर्माले संसदमा जवाफ दिँदै राजस्वसम्बन्धी समिति बनाएका करका दररेटहरुप्रति अाफू पूर्ण जिम्मेजार र जवाफदेही रहेकाे बताएका थिए । उनले कतै राष्ट्रघात, गद्दारी भएको भए त्यसको पूर्ण जिम्मेवारी लिने बताँउँदै कुनै राष्ट्रघात नभएको बताए ।
अर्थमन्त्रीले बजेटको अघिल्लो दिन आफू साढे ११ बजेदेखि पौने १२ बजेको बीचमा पुल्चोक गएर आराम गरेको र बिहान ६ बजे मन्त्रालय आएको स्पष्टीकरण दिएका थिए ।