अनलाइन डबली
काठमाडौं । अनेरास्ववियु (क्रान्तिकारी) को विशेष राष्ट्रिय भेला असारमा हुने भएको छ । नेकपा (बहुमत) निटक अखिल क्रान्तिकारीले संगठनकाे विशेष राष्ट्रिय भेला असार १२ गतेदेखि १४ सम्म मा गर्न लागेको हो ।
चुनावमा सहभागी हुने विषयमा विप्लव नेतृत्वको नेकपा विभाजनसँगै उसको विद्यार्थी संगठन पनि विभाजन भएको थियो । पाँचमध्ये महासचिसहित तीन पदाधिकारीले अखिल क्रान्तिकारीलाई पुनगर्ठन गर्दै अलग संगठन बनाएका थिए ।
अहिले महासचिव मिलन राईलाई भेला आयोजक समितिको संयोजक बनाइएको छ । अब राष्ट्रिय भेलाले पदाधिकारीसहित संगठनलाई पूर्णता दिने तयारी छ ।
अखिल क्रान्तिकारीले भेलाबाट विकृति विसंगतिसँगै शैक्षिक क्षेत्रा माैलाइरहेको दलालीकरण र माफियाकरण विरुद्ध संघर्षका कार्यक्रम ल्याउने आयोजक समिति सदस्य गोविन्द विष्टले जानकारी दिए ।
काठमाडौंमा हुने राष्ट्रिय भेलाको उद्घाटन नेकपा बहुमतका संयोजक धर्मेन्द्र बास्तोलाले गर्ने अखिल क्रान्तिकारीले जनाएको छ । देशभरबाट प्रतिनिधि सहभागी हुने बताइएको छ ।
सरकारले सामुदायिक शिक्षाको बेवास्ता र निजी क्षेत्रका नाफाखोर प्रवृतिका कारण गुणस्तरिय शिक्षा नागरिकका छाेराछोरीको पहुँचभन्दा टाढा पुगेको भन्दै त्यसविरुद्ध संघर्षका कार्यक्रम ल्याउने विष्टले बताए । उनले पहिला सामुदायिक शिक्षाको गुणस्तर उठाउन सरकार जिम्मेवार हुने पर्ने बताए ।
