अनलाइन डबली
रुकुम । नेपाली काँग्रेस, नेकपा एमाले र नेकपा (एकीकृत समाजवादी)का उम्मेदवारीले नेकपा (माओवादी केन्द्र)लाई लोकप्रिया पार्टी भएको बताउँदै उम्मेदवारी फिर्ता लिाएका छन् । तीनै पार्टीका उम्मेदवारले संयुक्त विज्ञप्ति जारी गर्दै रुकुम चौरजहारी नगरपालिकामा माओवादी केन्द्र सबैभन्दा लोकप्रिय पार्टी भएको बताउँदै आफूहरुले समर्थन गरेको बताएका छन् ।
एकीकृत समाजवादीका वड नम्बर एकका अध्यक्षका उम्मेदवार वीरबहादुर गिरीले माओवादी केन्द्रका उम्मेदवारलाई समर्थन गर्दै आफ्नो उम्मेदवारी फिर्ता लिएका छन् । नेकपा (माओवादी केन्द्र) का चौरजहारी नपा–१ का अध्यक्षका इन्द्र गिरीलाई समर्थन गर्दै आफ्नो उम्मेदवारी फिर्ता लिएका हुन् । त्यस्तै वीरबहादुरले माओवादीबाट चौरजहारी नगरपालिकाको मेयरका उम्मेदवार पुष्प वादी र उपमेयर इश्वरी शर्मालाई जिताउन नगरबासीलाई अपील समेत गरेका छन् ।
यसैबीच नेकपा एमाले र नेपाली काँग्रेसको तर्फबाट वडा सदस्यका ३ जना उम्मेदवारले पनि माओवादी केन्द्रका मेयर र उपमेयरका उम्मेदवारलाई समर्थन गर्दै आफ्नो उम्मेदवारी फिर्ता लिएका छन् । चौरजहारी नगरपालिका वडा नं. ७ मा नेकपा एमालेको तर्फबाट सदस्य पदका उम्मेदवार टीकाराम नेपाली र इन्द्र सार्कीले उम्मेदवारी फिर्ता लिनुभएको हो ।
त्यसैगरी नेपाली कांग्रेसको तर्फबाट वडा नं. ७ कै दलित महिला सदस्य पदका उम्मेदवार शान्ता विकले पनि उम्मेदवारी फिर्ता लिनुभएको हो। उहाँहरु तीनै जनाले माओवादी केन्द्रको तर्फबाट नगर प्रमुख, उपप्रमुख, वडा अध्यक्ष र सदस्य पदका उम्मेदवारहरुलाई समर्थन गर्दै आफ्नो उम्मेदवारी फिर्ता लिएको बताए ।
उनीहरुले माओवादी उम्मेदवारसँग भएको छलफलमा नगरको समग्र विकासको लागि कुरा गरेको बताएका छन् । सो क्रममा माओवादी उम्मेदवारले नगरको विकास गर्ने प्रतिपद्धता जनाएपछि आफूहरुले उम्मेदवारी फिर्ता लिएको बताएका छन् ।
पश्चिम रुकुम माओवादीको आधार क्षेत्रमा हो । स्थानीय, प्रदेश र संघीय चुनावमा माओवादीको एकल बर्चश्व छ । स्थानीय चुनावमा पनि सबै पालिका माओवादीले नै जित्ने सम्भावना रहेको छ ।
